下載PDF
iPad高清版App Store下載

 
 
 
目錄 < 返回首頁
DSE 放榜最後倒數 集思廣益 籌劃理想升學路
DSE 升學快訊
港產愛迪生父子 發明路上結伴行
尋找真正天然奶粉 助港媽育健康寶寶
自駕好有「營」紐 西蘭
用愛感化呷醋兒 - 陳爽
裕華第三代 一洗「老餅」形象 億元裝修總店 引入新派品牌
踩過界 - 周振基
夜探兩棲爬行世界
職場Q&A - 從事數碼營銷進修有需要
個性全面睇 - 「似曾相識」與「舊歡如夢」
靈巧技能 - 職場領導演說能力
智富增值 - 最裙帶資本主義及最自由經濟體
職場升呢 - 培訓金融科技人才刻不容緩
書評



全職媽媽:爽!
擁有高挑身形和美人胚子的陳爽,曾奪得2007年度「國際中華小姐競選」季軍,並拍過多套電視劇集和當節目主持,直至2012年離開演藝圈,與任職投資銀行的梁梓軒結婚,並打理丈夫的家族海味生意,開展人生另一個新階段。她在兩年多前更誕下兒子Adrian,今年2月再多添一名小公主Ashley,湊成一個「好」字。

有了第一胎的經驗,陳爽無論在懷孕以至湊BB都手到拿來,除了有外傭姐姐幫忙之外,餵奶、掃風和替BB沖涼等都親力親為,「今次懷孕冇第一胎咁緊張,個人放鬆好多,好在又冇乜唔舒服,囡囡出世時有七磅幾,屬中型BB。我係餵母乳,佢都好吸收,而且佢都好易湊,雖然事隔兩年,但好多嘢,我望住陪月點做,自然就記得點做,所以都唔難。」

情緒有變:酸!
作為全職媽媽的陳爽,她坦言現階段是最辛苦,一方面要照顧初生的囡囡,另一方面兒子開始懂事和有呷醋的現象,所以要顧及兒子的心靈狀態,為他們注入滿滿的愛,盡量做到公平公正,的確不是易事,「囝囝比較敏感,我佗囡囡時,日日同囝囝講好愛佢,講一些關於家庭同照顧BB嘅故事畀佢聽,點知佢都成日呷醋,見妹妹飲奶又要飲,見我抱妹妹,佢又想我抱佢,所以我有時兩個一齊抱,有時放低妹妹再抱佢,雖然佢好重,但都想佢開心。」

加上,陳爽在坐月期間,不能夠帶精力充沛的兒子出外「放電」,兒子上Playgroup的表現亦因此有所改變,不回答老師問題,經常顯得悶悶不樂,令她感到內疚,「本來我哋啲愛畀晒佢, 家要分散畀妹妹,令佢好不習慣,所以我會畀好多時間同佢一齊。我覺得小朋友感受到父母嘅愛,佢都會去愛周圍嘅人,而且小朋友大咗,有自己嘅朋友就唔會理你,所以要好好珍惜這段時光。」而陳爽坐月後,言出必行,帶兒子去公園、遊戲室和沙灘玩,他頓時「生猛」,回復以往開心、活潑的樣子,才令陳爽放下心頭大石。

改變自己:掂!
本身是獨生女的陳爽,表示很享受湊仔的樂趣,心境亦變得開朗、成熟,以及增加包容度,「我本身性格都好靜,身邊有小朋友成日講嘢都幾開心;加上,做咗媽媽之後,好多嘢都會原諒小朋友,所以我對周圍嘅包容度都高咗;而且做事要有計畫,好似去旅行,要好好安排行程,計畫得好周全。」正如陳爽所言,成為媽媽後,很多事情都會自動自覺地以子女為首,在多方面作出計畫,如在揀學校方面,她曾在加拿大讀書,丈夫則在紐西蘭和英國升學,所以希望兒子將來能到海外升學,擴闊眼界,「兒子而家讀緊PN班,但我和丈夫都開始留意一些本地同國際學校,我哋仲研究緊邊種教育模式適合兒子,等佢可以發展得更好。不過,都想佢將來可以去英國或美國升學,但一切都係隨佢鍾意。」

陳爽笑言自己不是「虎媽」,但會讓兒子去探索,「都想畀佢學藝術、體育和語言嘅活動,佢好鍾意音樂,有音樂感和表演欲,我哋屋企播K-Pop音樂,佢會創作新動作,又成日想表演。」陳爽一直都以朋友的形式與兒子相處,單憑兒子的一個眼神,便知道他心目中所想,但她強調在育兒方面不可以「一本通書睇到老」,要隨着子女的成長和改變而作出配合,「小朋友會變得好快,當你掌握咗一種方法,佢又會變,所以父母要不斷學習,好似佢細個時乜都會食,但而家佢開始有主見,就要同佢講道理,有時亦要同佢講交換條件。」

在育兒方面有所心得的陳爽,自謙不是萬能媽媽,仍不斷努力學習和改善中,但會盡力將最好的給予一對子女,希望他們健康快樂,「因為佢哋係上天畀我最好嘅禮物。」


本文摘自2017年5月10日《東周刊》 親子天地